प्रदेश

रोल्पा पहिरोमा बेपत्ता दुई जनाको शव फेला

न्यूज २४ दैनिक

आइतबार, साउन १०, २०८३ १७:५४

रोल्पा पहिरोमा बेपत्ता दुई जनाको शव फेला

दाङ । रोल्पामा पहिरोमा पुरिएर बेपत्ता भएका दुई जनाको शव आज फेला परेको छ ।

शनिबार दिउँसो सुनछहरी गाउँपालिका–१ सेरमस्थित दवाङ लेकमार्गमा गाई बाख्रा चराउन गएको बेला पहिरोमा पुरिएर बेपत्ता भएका सुनछहरी गाउँपालिका–१ का ५१ वर्षीया असौजी घर्तीमगर र ३६ वर्षीया अमरा घर्तीमगरको शव आज फेला परेको जिल्ला प्रहरी कार्यालय रोल्पाले जनाएको छ । उनीहरुको शव परीक्षणका लागि रोल्पा अस्पतालमा लगिएको प्रहरीले जनाएको छ ।

त्यस्तै, सोही पहिरोमा परी घाइते हुनुभएका ६० वर्षीय कुले घर्तीमगरको स्थानीय सेरम स्वास्थ्यचौकीमा उपचार भइरहेको छ । उनको शरीरका विभिन्न भागमा चोट लागेको छ । रासस

प्रकाशित मिति: आइतबार, साउन १०, २०८३ १७:५४

प्रतिक्रिया दिनुहोस्