मिस नेपाल–२०२६

मिस नेपाल–२०२६ को उपाधि विजेता दीपमाला ढकाल । दि हिडेन ट्रेजरद्वारा ललितपुरमा शनिबार आयोजित ग्रान्ड फिनालेमा २३ प्रतिस्पर्धीहरूलाई पछि पार्दै उनी ताज पहिरिन सफल  भएकी हुन् । मिस नेपाल कस्मो कशिश सुब्बा र मिस नेपाल इन्टरनेसनल उपाधि आर्या निशान्तले जितेका छन् । उपाधि विजेता २४ वर्षीया ढकाल हङकङमा जन्मे–हुर्केकी हुन् । प्रतिष्पर्धाका लागि उनी आमा रोशनी खरेलबाट प्रेरणा पाएको बताउँछिन् । रोशनीले सन् १९९४ मा आयोजित पहिलो मिस नेपाल प्रतियोगितामा भाग लिएकी थिइन्, जसमा ताज पहिरिन रुबी राणा सफल भएकी थिइन । हङकङ विश्वविद्यालयबाट फाइनान्समा स्नातक ढकाल प्रसिद्ध लगानी कम्पनी ब्ल्याक रकमा रणनीतिकारका रूपमा कार्यरत छिन् । उनी तेक्वान्दोकी ब्ल्याक बेल्ट र म्याराथन धावक पनि हुन् । तस्बिर । रासस