एन आई सी एशियाको स्थिर अटो लोन

काठमाडौं । एन आई सी एशिया बैंकले ग्राहकहरूको आवश्यकता र बदलिँदो वित्तीय प्राथमिकतालाई ध्यानमा राखी  नाडा अटो शोको अवसरमा ल्याएको विशेष अटो लोन योजना ग्राहक महानुभावहरुमाझ लोकप्रिय बन्दै गएको छ । भृकुटीमण्डपमा सञ्चालन भइरहेको ‘नाडा अटो सो २०२६’ को अवसरमा बैंकले ७ वर्षसम्म वार्षिक ५.९९ प्रतिशतको स्थिर ब्याजदरमा ‘एन आई सी एशिया अटो लोन’ योजना उपलब्ध गराइरहेको छ । नाडा अटो सोको पहिलो दिनदेखि नै यस कर्जा योजनाप्रति ग्राहक महानुभावहरूको उल्लेख्य आकर्षण बढिरहेको छ । विशेषगरी ७ वर्षसम्म ब्याजदर परिवर्तन नहुने गरी ५.९९ प्रतिशतको स्थिर ब्याजदर उपलब्ध हुने भएकोले ग्राहक महानुभावहरूले आफ्नो दीर्घकालीन वित्तीय योजना तथा मासिक कर्जा दायित्व सहज रूपमा व्यवस्थापन गर्न सक्ने विश्वास बैंकले लिएको छ ।
ग्राहकहरुलाई सवारी साधन खरिदसँगै कर्जा प्रक्रिया समेत सहज र छरितो रूपमा अघि बढाउन बैंकले नाडा अटो सोमा विशेष डिजिटल सुविधा उपलब्ध गराएको छ । ग्राहक महानुभावहरूले क्यूआर स्क्यान गरी आवश्यक विवरण भरेर कर्जाको योग्यता परीक्षण गर्न तथा तत्काल कर्जा स्वीकृतिपत्र प्राप्त गर्न सक्ने व्यवस्था मिलाइएको छ । स्वीकृति पश्चात ग्राहक महानुभावहरुले आवश्यक कागजात आफूलाई पायक पर्ने यस बैंकको शाखा कार्यालयमा उपलब्ध गराई बाँकी प्रक्रिया पूरा गर्न सक्नेछ । यस डिजिटल तथा सहज प्रक्रियाले ग्राहक महानुभावहरूलाई आफूले रोजेको सवारी साधन छनौटदेखि कर्जा प्रक्रियासम्मको काम एउटै स्थानबाट अघि बढाउन सहयोग पु¥याएको छ । बैंकको यस योजनाअन्तर्गत ग्राहक महानुभावहरूको रोजाइ अनुसार निजी, व्यावसायिक तथा विद्युतीय सवारी साधन खरिदका लागि छिटो, छरितो र भरपर्दो वित्तीय सुविधा उपलब्ध गराएको छ ।