नेपालको बाढी राहतमा ड्रोन प्रयोगः मन्त्री डा. महावीर पुनद्वारा गरुडा एरोस्पेसको प्रशंसा

चेन्नई, भारत ।  नेपालमा आएको बाढीपछि राहत र आपतकालीन उद्धार कार्यमा ड्रोन प्रविधिको सफल प्रयोग गरेकोमा मन्त्री डा. महावीर पुनले भारतीय ड्रोन कम्पनी ‘गरुडा एरोस्पेस’ को उच्च प्रशंसा गरेका छन् । 
कठिन भौगोलिक बनावट र बाढीका कारण परम्परागत माध्यमबाट पहुँच पुग्न नसक्ने स्थानहरूमा ड्रोन प्रविधिको भूमिका महत्त्वपूर्ण देखिएको छ। गरुडा एरोस्पेसका ड्रोनहरूले हवाई मूल्याङ्कन, वस्तुस्थितिको जानकारी र प्रभावित क्षेत्रहरूमा राहत सामग्री पु¥याउन ठूलो सहयोग पु¥याएका छन्।
यस सहकार्यका क्रममा गरुडा एरोस्पेसको टोलीले नेपालको ‘राष्ट्रिय विपद् जोखिम न्यूनीकरण तथा व्यवस्थापन प्राधिकरण’ का प्रतिनिधि र अधिकारीहरू माझ आफ्ना ड्रोन प्लेटफर्म र सञ्चालन क्षमताको प्रदर्शन समेत गरेको थियो । उक्त छलफल विपद् व्यवस्थापन र उद्धार कार्यमा ड्रोनलाई एक प्रभावकारी प्रविधिको रूपमा कसरी प्रयोग गर्न सकिन्छ भन्ने विषयमा केन्द्रित थियो ।
गरुडा एरोस्पेसको पहलको कदर गर्दै मन्त्री डा. महावीर पुनले मानवीय सहायता र विपद् व्यवस्थापनमा आधुनिक प्रविधिको प्रयोग गरेकोमा कम्पनीको योगदानलाई स्वीकार गरे । उनका अनुसार ड्रोन प्रविधिले परम्परागत उद्धार प्रणालीलाई थप बलियो बनाउनुका साथै कठिन समयमा सरकारी निकायहरूलाई छिटो र प्रभावकारी रूपमा कार्य गर्न मद्दत पु¥याउँछ।
गरुडा एरोस्पेसले प्राकृतिक विपद् र आपतकालीन समयमा समुदायलाई सहयोग गर्न आफ्नो प्रविधि र विशेषज्ञता निरन्तर प्रयोग गर्ने प्रतिबद्धता जनाएको छ । कम्पनीले हवाई समाधानमार्फत विपद् व्यवस्थापन कार्यलाई अझ छिटो, सुरक्षित र प्रभावकारी बनाउने लक्ष्य राखेको छ।
गरुडा एरोस्पेस भारतको एक अग्रणी ड्रोन स्टार्टअप हो, जसले विशेषगरी कृषि प्रविधि र औद्योगिक क्षेत्रमा आमूल परिवर्तन ल्याउन काम गरिरहेको छ। यस कम्पनीले मानवरहित हवाई वाहनको डिजाइन, निर्माण र अनुकूलनमा ध्यान केन्द्रित गर्दै कृषि क्षेत्रमा श्रमिकको अभावलाई कम गर्न र दक्षता बढाउन महत्वपूर्ण भूमिका खेलिरहेको छ।