ट्रिप टर्बोले सुरु ग-यो ट्राभल मेला

काठमाडौं । ट्राभल एप ट्रिप टर्बोले ट्राभल मेला सुरु गरेको छ । नेपालको सबैभन्दा ठूलो ट्राभल सेलका रूपमा प्रस्तुत गरिएको सो क्याम्पेनमा यात्रुहरूका लागि विशेष ट्राभल डिल, गतिविधिमा ५० प्रतिशतसम्मको छुट, साप्ताहिक फायर सेल, टीटी क्वाइन रिवार्ड तथा विभिन्न गिभअवेहरू समावेश छन् । क्याम्पेनको मुख्य आकर्षणका रूपमा दुई जनाका लागि काठमाडौं–बैंकक राउन्ड ट्रिप उडान रहेको छ ।
ट्राभल मेला २०२६ अन्तर्गत आन्तरिक तथा अन्तर्राष्ट्रिय हवाई उडान, अन्तर्राष्ट्रिय होटल, बस टिकट, गतिविधि तथा विभिन्न ट्राभल अनुभवहरूलाई एउटै अभियानमा समेटिएको छ, जसले यात्रुहरूलाई आफ्नो आगामी यात्राको योजना बनाउँदा थप विकल्प र बचतका अवसर प्रदान गर्छ । ट्रिप टर्बोमार्फत विश्वभरका ६० लाखभन्दा बढी होटलमा पहुँच लिन सकिने बताइएको छ ।
‘ट्राभल मेला नेपालका यात्रु समुदायसँग बृहत् रूपमा जोडिने र हाम्रो भिजनलाई निरन्तरता दिने हाम्रो एउटा माध्यम हो,’ ट्रिप टर्बोका संस्थापक शिखर प्रसाईले भने, ‘डोमेस्टिक तथा इन्टरनेसनल फ्लाइट र होटलदेखि बस टिकट, गतिविधि र विभिन्न ट्राभल अनुभवसम्म, ट्राभल मेलाले यात्राका विभिन्न पक्षलाई एउटै ठाउँमा ल्याएको छ । यसले यात्रुहरूलाई आफ्नो आगामी यात्राको योजना बनाउन र यात्रासँगै थप रिवार्ड प्राप्त गर्न थप अवसर दिन्छ ।’
ट्राभल मेला अवधिभर ग्राहकहरूले आफ्नो पहिलो आन्तरिक फ्लाइट बुकिङमा २ सय रुपैयाँ छुट तथा त्यसपछि फ्लाइटमेला प्रोमो कोड प्रयोग गरी हरेक आन्तरिक फ्लाइट बुकिङमा १५० रुपैयाँ छुट पाउनेछन् । त्यस्तै प्रोमो कोड प्रयोग गरी बस टिकटमा ७० रुपैयाँ छुट प्राप्त गर्न सकिनेछ ।
क्याम्पेन अन्तर्गत साप्ताहिक ँष्चभ क्बभि पनि सञ्चालन हुनेछ, जसमा सीमित संख्याका ग्राहकले आन्तरिक फ्लाइटमा ३०० सम्म र बस टिकटमा १०० रुपैयाँसम्मको छुट प्राप्त गर्न सक्नेछन् ।