अर्थतन्त्र

नेप्से परिसूचकमा ३१.५४ अङ्कको वृद्धि, आठ अर्ब ५७ करोडको कारोबार

न्यूज २४ दैनिक

बिहीबार, कात्तिक १२, २०८३ १६:१२

नेप्से परिसूचकमा ३१.५४ अङ्कको वृद्धि, आठ अर्ब ५७ करोडको कारोबार

काठमाडौँ । धितोपत्र बजारमा शेयर कारोबार मापक नेप्से परिसूचक आज दोहोरो अङ्कले बढेको छ ।

नेपाल स्टक एक्सचेञ्जका अनुसार नेप्से परिसूचक ३१ दशमलव ५४ अङ्कले बढेर दुई हजार ६९५ दशमलव ६० मा पुगेको छ ।

ठूला कम्पनीको कारोबार मापन गर्ने सेन्सेटिभ परिसूचक छ दशमलव ४१ अङ्कले बढेर ४८८ दशमलव २१ मा पुगेको छ ।

त्यस्तै फ्लोट सूचक दुई दशमलव २७ अङ्कले बढेर १८७ दशमलव ०१ मा पुगेको छ । त्यस्तै सेन्सेटिभ फ्लोट सूचक दुई दशमलव २५ अङ्कले बढेर १६५ दशमलव ३४ मा पुगेको छ ।

आज विभिन्न कम्पनीका दुई करोड ३२ लाख ५८ हजार नौ कित्ता शेयर रु आठ अर्ब ५७ करोड ९८ हजार ८२३ मूल्यमा खरिद बिक्री भएको छ ।

तेह्रवटै उपसमूह बढेका छन् । आज १८१ कम्पनीको शेयर बढ्यो भने ९१ कम्पनीको शेयर घट्यो । त्यसैगरी छ कम्पनीको शेयर स्थिर रह्यो । नेप्सेका अनुसार बेनी हाइड्रोपावर, सोपान फार्मास्युटिकल्स, नेपाल रिइन्सुरेन्स कम्पनीलगायतका लगानीकर्ताले कमाएका छन् ।

त्यसैगरी, नेपाल इन्फास्ट्रचर एण्ड डेभलपमेन्ट, चिर्खवा हाइड्रोपावर र सनराइज व्लुचिपलगायतका कम्पनीका लगानीकर्ताले गुमाएका छन् ।

प्रकाशित मिति: बिहीबार, कात्तिक १२, २०८३ १६:१२

प्रतिक्रिया दिनुहोस्