दशैमा सुनसान काठमाडौंका सडक

हिन्दूहरुको महान पर्व विजया दशमी (बडादसैँ) मा काठमाडौं उपत्यका सडकमा सवारीको चाप पातलिएको छ । दसैँ-तिहार मनाउन सर्वसाधारण गाउँ फर्किएका र काठमाडौंका स्थानीयवासी घरबाहिर ननिस्किँदा काठमाडौं सुनसान भएको हो । सधैंजसो ट्राफिक जामले भरिने काठमाडौं उपत्यकाका सडक अहिले सुनसान भएका छन् । असोज ६ गते घटस्थापनादेखि आजसम्म ५ लाख ५३ हजारभन्दा बढी नागरिक काठमाडौँ उपत्यकाका विभिन्न नाकाबाट बाहिरिएका कार्यालयका प्रवक्ता एवं प्रहरी उपरीक्षक नरेशराज सुवेदीले जानकारी दिए ।

- तस्विर : नेपाल फोटो लाईब्रेरी