बजाज पल्सर एनपीएलको ‘टु ह्वीलर पार्टनर’

काठमाडौं (संवाददाता)– गोल्छा ग्रुपको पल्सर बाइक नेपाल प्रिमियर लिग (एनपीएल) क्रिकेटको दोस्रो संस्करणका लागि आधिकारिक ‘टु ह्वीलर पार्टनर’ बनेको छ ।

काठमाडौंमा बिहीबार आयोजित कार्यक्रममा गोल्छा ग्रुपका निर्देशक अभिमन्यु गोल्छा र नेपाल क्रिकेट संघ (क्यान)का सचिव पारस खड्काले सम्झौतापत्रमा हस्ताक्षर गरे ।

सम्झौताअनुसार एनपीएलका उत्कृष्ट तीन खेलाडीहरूलाई पल्सर एन १६० बाइक पुरस्कार दिइनेछ । सर्वाधिक रन बनाउने ब्याट्सम्यान, सर्वाधिक विकेट लिने बलर र उत्कृष्ट उदीयमान (इमर्जिङ) खेलाडीले पुरस्कारमा बाइक प्राप्त गर्नेछन् । 

निर्देशक गोल्छाले भने, ‘पल्सर सधैं खेलकुद र युवा ऊर्जासँग जोडिएको ब्रान्ड हो । एनपीएलमार्फत नेपाली क्रिकेटलाई थप ऊर्जा र प्रेरणा मिल्ने विश्वास छ ।’ क्यानका सचिव पारस खड्काले पल्सरस“गको सहकार्य नेपाली क्रिकेटका लागि सकारात्मक रहेको बताए । एनपीएलको दोस्रो संस्करण मंसिर १ गतेदेखि सुरु हुने जानकारी उनले दिए । लिगसम्बन्धी विस्तृत जानकारी चा“डै पत्रकार सम्मेलनमार्फत सार्वजनिक गरिने पनि उनले बताए ।