खेलकुद
आइसिसी विश्वकप छनोट प्लेअफ प्रतियोगिता नेपालमा आयोजना हुने
बिहीबार, कात्तिक ५, २०८३ ०८:५४
काठमाडौँ । आइसिसी पुरुष क्रिकेट विश्वकप छनोट प्लेअफ प्रतियोगिता नेपालमा आयोजना हुने भएको छ । नेपाल क्रिकेट सङ्घ (क्यान)ले आगामी डिसेम्बर ४ देखि २१ तारिखसम्म प्रतियोगिता नेपालमा आयोजना हुने जानकारी दिएको हो ।
प्रतियोगितामा आइसिसी विश्वकप लिग–२ का अन्तिम चार टोली तथा आइसिसी क्रिकेट विश्वकप च्यालेन्ज लिग ‘ए’ र ‘बी’ का शीर्ष दुई–दुई टोली गरी आठवटा टोली सहभागी हुनेछन् ।
प्रतियोगिताको शीर्ष चारमा स्थान हासिल गर्ने टोली सन् २०२७ मा आयोजना हुने एकदिवसीय विश्वकप छनोट प्रतियोगिताका लागि छनोट हुनेछन् । नेपालसामु लगातार दोस्रोपटक एकदिवसीय विश्वकप छनोटमा स्थान बनाउने अवसर छ ।
यसैबीच, प्रतियोगिता नेपालमा आयोजना हुने भएपछि नेपाल र भारत ‘ए’ बीचको क्रिकेट शृङ्खला पूर्वनिर्धारित तालिकामा नहुने भएको छ ।
भारतीय क्रिकेट नियन्त्रण बोर्ड (बिसिसीआई) र क्यानबीचको आपसी समन्वय तथा सहमतिमा नेपाल र भारत ‘ए’ बीचको नयाँ खेल तालिका तय गरिने क्यानका सचिव पारस खड्काले जानकारी दिए । रासस
प्रकाशित मिति: बिहीबार, कात्तिक ५, २०८३ ०८:५४
प्रतिक्रिया दिनुहोस्
थप खेलकुद
एनपिएलका सबै खेललाई आइसिसीको मान्यता
बिहीबार, कात्तिक ५, २०८३
यु–१९ महिला विश्वकपमा नेपाल समूह ‘ए’ मा
बिहीबार, कात्तिक ५, २०८३
‘एनपिएल’का सबै खेलमा ‘डिआरएस’ लागू हुने, समय तालिका संशोधन
मंगलबार, कात्तिक ३, २०८३
भर्खरै
- आइसिसी विश्वकप छनोट प्लेअफ प्रतियोगिता नेपालमा आयोजना हुने
- एनपिएलका सबै खेललाई आइसिसीको मान्यता
- घोडेपानीमा पर्यटकले पनि मनाए दशैं
- मैथिल परम्पराको रावणवध उत्सव सम्पन्न
- पाटन दरबार सङ्ग्राहलयको मूलचोकमा ठेचोको नवदुर्गा नाच प्रदर्शन
- यु–१९ महिला विश्वकपमा नेपाल समूह ‘ए’ मा
- विजयादशमीको टीका : कतै रौनक, कतै सुनसान
- ठमेलमा विदेशी पर्यटकले पनि लगाए बडादसैंको टीका
साताको लोकप्रिय
