फरक कथामा जारी–२

काठमाडौं (संवाददाता)– पहिलो कथाले अनपेक्षित लसफलता हात पारेपछि हौसिएर निर्माण गरिएको ‘जारी–२’ प्रदर्शनका लागि तयार छ । यसै सातादेखि प्रदर्शनको तयारीमा रहेको उक्त फिल्मको टोलीले मंगलबार पत्रकार सम्मेलन गर्दै फरक कथा पस्निे बताएको छ । 

काठमाडौंको थापागाउँस्थित मण्डल थिएटरमा आयोजित पत्रकार सम्मेलन सम्पन्नमा फिल्मका मुख्य कलाकार दयाहाङ राई, विजय बराल, मिरुना मगर ऋचा शर्मा र निर्देशक उपेन्द्र सुब्बा उपस्थित थिए ।

निर्देशक उपेन्द्र सुब्बाले ‘जारी २’लाई पहिलो फिल्मको निरन्तरता भए पनि कथावस्तु, प्रस्तुति र पात्रगत दृष्टिले फरक रहेको बताए । उनका अनुसार फिल्मले समाजका भावनात्मक सम्बन्ध, संस्कार र वैवाहिक जीवनका जटिल पक्षलाई नयाँ कोणबाट प्रस्तुत गर्नेछ । सुब्बाले भने, ‘पहिलो ‘जारी’ ले दर्शकको मन जित्यो, यस पटक पनि दर्शकले फरक स्वाद अनुभव गर्नेछन् ।’

मुख्य भूमिकामा रहेका अभिनेता दयाहाङ राईले फिल्ममा अभिनय गर्नु आफ्ना लागि ‘भावनात्मक यात्रा’ भएको बताए । उनले भने, ‘पहिलो ‘जारी’ ले धेरैको जीवन छोयो । यो पटक हामी अझ गहिरो कथास“ग आएका छौं, जसले हास्य र संवेदना दुवै दिन्छ ।’ अभिनेत्री मिरुना मगरले आफूले अभिनय गरेको पात्रका लागि धेरै तयारी गरेको बताउँदै भनिन्, ‘यस पटक मेरो भूमिका बढी चुनौतीपूर्ण छ । महिलाको आत्मसम्मान र स्वतन्त्रताको कुरा पनि फिल्ममा जोडिएको छ ।’
अभिनेत्री ऋचा शर्माले फिल्ममा सामुदायिक सम्बन्ध र संस्कृतिका सूक्ष्म पक्षहरू देख्न पाइने उल्लेख गरिन् । अभिनेता विजय बरालले भने, ‘फिल्म मनोरञ्जनका साथै सोच्न प्रेरित गर्ने खालको बनेको छ ।’

निर्माण टिमका अनुसार फिल्मको छायांकन देशका विभिन्न स्थानमा गरिएको छ र पोस्ट–प्रोडक्सनको काम लगभग सकिएको छ ।