ओप्पो ए ६ प्रोको प्रि–बुकिङ खुला

काठमाडौं (संवाददाता)– ओप्पोले आफ्नो नयाँ स्मार्टफोन ओप्पो ए सिक्स प्रोको प्रि–बुकिङ औपचारिक रूपमा खुला गरेको छ । मङ्सिर १ गतेसम्म सबै ओपो अधिकृत खुद्रा पसलहरूबाट बुकिङ गर्न सकिने कम्पनीले जनाएको छ ।

आधिकारिक रूपमा सार्वजनिक हुनुअघि नै फोन बुकिङ गर्ने थ्राहकले तीन हजार ४९९ रुपैयाँ मूल्य पर्ने ओपो इन्को बड्स थ्री प्रो जित्ने मौका पाउनेछन् । यो सीमित समयको अफर पहिलो ४०० जना भाग्यशाली ग्राहकहरुका लागि मात्र उपलब्ध हुने कम्पनीले जनाएको छ । ग्राहकले नजिकको ओप्पो अधिकारीक बिक्रेतामा गएर प्रि–बुकिङ फारम भर्नुपर्नेछ ।

ओप्पो ए सिक्स प्रोले स्टाइलिस डिजाइन र शक्तिशाली प्रदर्शनलाई संयोजन गर्दै युवा र गतिशील प्रयोगकर्ताहरूको आवश्यकता पूरा गर्ने उद्देश्य राखेको छ । यो स्मार्टफोन मंसिर २ मा औपचारिक रूपमा सार्वजनिक हुँदैछ, जसले ओप्पोको लोकप्रिय ए–सिरिजलाई थप मजबुत बनाउने दाबी गरिएको छ ।