बल्ल सुपरहिट

नेपालको पुरानो व्यापारिक घराना गोल्छा समूहका अध्यक्ष शेखर गोल्छा र रञ्जीत आचार्यद्वारा निर्माण गरिएको फिल्म ‘परान’लाई नेपालको सबैभन्दा ठूलो सिनेमा चेन क्युएफएक्स सिनेमाजले ‘सुपरहिट’को ट्याग दिएको छ । बुधबार मात्र क्युएफएक्सले फिल्मलाई यस्तो ट्याग दिएको हो । हलमा फिल्म लागेको तेस्रो साता पुगेपछि सुपरहिट मानेको हो । फिल्म अहिले चौथो सातामा प्रदर्शन भइरहेको छ भने १४ करोडभन्दा बढीको व्यापार गरिरहेको छ ।

क्युएफएक्स सिनेमाजले फिल्म रिलिज भएको तेस्रो सातामा नेपाली फिल्मलाई सुपरहिट घोषणा गरेको पहिलो पटक हो । क्युएफएक्सले पहिलो तीन दिनमा डेढ करोड कमाउने फिल्मलाई ‘ब्लकबस्टर’ र सोही बराबरको कमाइ एक हप्ताभित्र भएमा ‘सुपरहिट’को मान्यता दिने मापदण्ड बनाएको छ । अहिलेसम्म ‘ब्लकबस्टर’को ट्याग कुनै नेपाली फिल्मले पाएका छैनन् । ‘परान’ले क्युएफएक्स चेनमा मात्र डेढ करोडभन्दा बढीको व्यापार गरेकाले ‘सुपरहिट’को मान्यता पाएको हो । फिल्मको कमाइ यही रफ्तारमा हुने हो भने ‘जेरी अन टप’को नाममा रहेको यस वर्षको सर्वाधिक कमाइको रेकर्ड तोडिने अपेक्षा गरिएको छ । फिल्मलाई दीपकप्रसाद आचार्यले निर्देशन गरेका हुन् । पहिलो निर्देशकीय फिल्ममै उनले ठूलो व्यावसायिक सफलता प्राप्त गरेका छन् ।

फिल्म उद्योगमा आफू कमाउन नभई नयाँ ट्रेन्ड बनाउन आएको मिडियाहरूमा बताउने गरका छन् । उनले यो फिल्मका लागि बैंकबाट ऋण लिएको बताएका छन् । यसअघि कुनै पनि फिल्मलाई बैंकले ऋण दिने गरको थिएन । कलाकारलाई प्यान नम्बर लिन लगाएर पारिश्रमिक दिएकोजस्ता कुरालाई शेखर गोल्छाले महत्वको मानेका छन् । क्लिकमाण्डुसँग कुरा गर्दै उनले आफूले यो फिल्म जतिसुकै हिट भए पनि यसको सिक्वेल नबनाउने समेत घोषणा गरका छन् ।