उज्यालो नेपालले पायो प्रमाणपत्र

काठमाडौं – उज्यालो नेपाल पार्टीले शुक्रबार निर्वाचन आयोगबाट दल दर्ताको प्रमाणपत्र पाएको छ । शुक्रबार निर्वाचन आयोगले उज्यालो नेपाल पार्टीलाई दल दर्ताको प्रमाणपत्र दिएको हो । उज्यालो पार्टीकोे चुनाव चिह्न बलेको चिम राखिएको छ । यो पार्टीको केन्द्रीय समिति ५१ सदस्यीय छ । 

ऊर्जा, शहरी विकास एवम् भौतिक मन्त्री कुलमान घिसिङकै पहलमा पार्टी गठन भए पनि केन्द्रीय समितिमा भने घिसिङको नाम राखिएको छैन । पार्टीको केन्द्रीय समिति बैठकमा भने घिसिङ सहभागी हुने गरेका छन् । फागुन २१ को निर्वाचनअघि राजीनामा दिएर घिसिङ पार्टीमा सहभागी हुने उज्यालो नेपाल पार्टीका नेता जीतराम लामाले बताए ।