बाघभैरव मन्दिरको १०८ पटक परिक्रमा

भाद्र संक्रान्तिको साँझ कीर्तिपुरको बाघभैरव मन्दिरको १०८ पटक परिक्रमा गर्न श्रद्दालुको भीड लागेको छ ।

हरेक वर्ष भाद्र १ गते बाघभैरवको जन्मदिनको रूपमा जात्रा गर्ने चलनको निरन्तरता स्वरूप मन्दिरको परिक्रमा गर्ने गरिन्छ । एक सय आठ पटक परिक्रमा गरेमा सबै पापबाट मुक्त हुने जनविश्वास छ ।

बाघभैरवको तीन वटा मूर्तिमध्ये एउटालाई खटमा राखेर कीर्तिपुरको विभिन्न ठाँउमा परिक्रमा गरेर जात्रा गरिन्छ । यो जात्रा विक्रम संवत् २०१३ सालदेखि सुरु भएको हो ।

तस्विर - नेपाल फोटो लाइब्रेरी