बा–आमाको हत्या आरोपमा लेखक पक्राउ

हलिउडका प्रख्यात फिल्म निर्देशक रब रेनर तथा निर्मात्री मिसेल सिंगर रेनरको हत्या आरोपमा उनीहरूका छोरा निक रेनर पक्राउ परेका छन् । निक हलिउडमा फिल्म लेखकका रुपमा परिचित छन् ।

३२ वर्षीय निकलाई मंगलबार प्रहरीले पक्राउ गरेको छ । उनलाई प्रहरीले दोब्बर हत्या मामिलामा मुद्दा अघि बढाएको छ । प्रहरीले उनलाई मृत्युदण्डसमेत माग्ने सम्भावना रहेको बताए पनि यसबारे धेरै जानकारी खुलाउन अस्वीकार गरेको छ । निर्देशक रब र उनकी पत्नी मिसेलको हत्या भएको दुई दिनपछि उनका छोरालाई प्रहरीले पक्राउ गरेको हो । हत्या गरिएका निर्देशक रब रेनरले ‘अल इन द फ्यामिली’ टेलिभिजन शृंखलाका लागि एमी पुरस्कार प्राप्त गरेका छन् भने उनले ‘ह्वेन ह्यारी मेट स्याली’ र ‘द प्रिन्सेस ब्राइड’जस्ता हिट फिल्म निर्देशन गरेका छन् । उनकी पत्नी मिसेल प्रख्यात फोटोग्राफर, फिल्म निर्मात्री तथा लैंगिक अल्पसंख्यक अधिकारवादी हुन् । उनीहरूको वैवाहिक जीवन ३६ वर्ष रह्यो ।