ड्रोनबाट खिचिएका तस्बिरहरूको तीन दिने फोटो प्रदर्शनी

नेपाल पर्यटन बोर्डमा ड्रोनबाट खिचिएका तस्बिरहरूको तीन दिने विशेष फोटो प्रदर्शनी आयोजना भएको छ ।

फोटो पत्रकार नवीन बाबु गुरुङको एकल ड्रोन फोटो प्रदर्शनीमा नेपालका विभिन्न भू–भागमा रहेका पर्यटकीय सम्भावना बोकेका तर चर्चामा नआएका गाउँ–बस्ती, प्राकृतिक दृश्य तथा मौलिक चाडपर्वहरू झल्किने तस्बिरहरू राखिएको छ ।

नेपाल पर्यटन बोर्डसँगको सहकार्यमा पिजे क्लब नेपाल र तमु सञ्चारकर्मी संघ नेपालले यो प्रदर्शनीको आयोजना गरेका हुन् । नेपालमा ड्रोन प्रविधिबाट खिचिएका तस्बिरहरूको यस्तो प्रदर्शनी पनि पहिलो पटक आयोजना हुन लागेको आयोजकको दाबी छ ।

प्रदर्शनी आइतबारसम्म चल्नेछ ।