देउवाले भेटेनन् महामन्त्री

विशेष महाधिवेशनतर्फ अघि बढेका महामन्त्री थापा र शर्मालाई बिहिबार बेलुकी ५ बजेका लागि भेट्ने समय दिए पनि अन्तिममा आफूले नभ्याएको भन्दै शुक्रबार भेट्ने जानकारी देउवाको सचिवालयले गरायो । उनीहरूसँगै कार्यवाहक सभापति पूर्णबहादुर खड् कालाई पनि सँगै राखेर भेट्ने देउवाको तयारी थियो । ‘आज भेट्ने भन्ने कुरा थियो । तर, सभापति अन्य काममा व्यस्त हुनुपर्ने भएकाले भ्याउनुभएन,’ कांग्रेस मुख्यसचिव कृष्णप्रसाद पौडेलले भने, ‘भोलि (शुक्रबार) सभापतिज्यूको अनुकूल समयमा महामन्त्रीद्वयलाई बोलाउने जानकारी गराइएको छ ।’ महामन्त्रीनिकट स्रोतका अनुसार देउवालाई भेटेर विशेष महाधिवेशनमा आतिथ्यताका लागि निम्तो दिने उनीहरूको तयारी थियो । देउवासँग भेट नहुने भएपछि महामन्त्री थापा विशेष महाधिवेशनका लागि राजनीतिक प्रतिवेदन लेख्न भन्दै धुलिखेल गएका छन् ।

विशेष महाधिवेशन आह्वानपछि महामन्त्रीहरूसँग नभेटेका सभापति देउवाले बिहीबार बेलुका कार्यवाहक सभापति पूर्णबहादुर खड्का र केन्द्रीय सदस्य रमेश लेखकसँग भने छलफल गरेका छन् । शुक्रबार बिहान पार्टीका शीर्ष नेतासँग देउवाले छलफल गर्ने तयारी गरेका छन् ।