पारा आ–आफ्नो

धरानबाट सुरु भएको हर्क साम्पाङको श्रमदान अभियान काठमाडौं प्रवेश गरेको छ । साम्पाङ नेतृत्वको श्रम संस्कृति पार्टीका नेता–कार्यकर्ताले काठमाडौं क्षेत्र नम्बर–४ अन्तर्गत पर्ने धोबीखोला सरसफाइ गरिरहेका छन् । यसको अगुवाइ उक्त पार्टीबाट उम्मेदवार डा वरुण अमात्यले गरेका छन् । खोला सफाइको काममा यसमा स्थानीय बासिन्दाको पनि सक्रिय सहभागिता छ । अमात्यका अनुसार पार्टीको श्रम संस्कृति र नेतृत्वको निर्देशनअनुसार सरसफाइ अभियान सञ्चालन गरिएको हो । काठमाडौं–४ का बासिन्दाले सुरु गरेको सरसफाइ अभियानमा आफूहरू जोडिएको बताउँदै उनले हरेक शनिबार नियमित रूपमा सरसफाइ हुँदै आएको जानकारी दिए । यो अभियान समाजका लागि गरिएको र निरन्तर चलिरहने उनको भनाइ छ । तस्बिर : नेपाल फोटो लाइब्रेरी