राप्रपाको घोषणापत्र सार्वजनिक (पूर्णपाठ)

राष्ट्रिय प्रजातन्त्र पार्टीका अध्यक्ष राजेन्द्र लिङदेनले आगामी निर्वाचनको लागी पार्टीले तयार गरेको घोषणापत्रमा कार्यन्वयन गर्न सकिने संकल्प मात्रै गरिएको बताएका छन् । शनिवार घोषणापत्र जारी गर्दै उनले शतप्रतिशत कार्यान्वयन गर्न सकिने प्रतिबद्धताहरू मात्रै समावेश गरिएको बताए । 

पार्टीले पूर्ण बहुमत हासिल गर्ने विश्वासका साथ आफ्नो घोषणापत्र तयार पारेको अध्यक्ष लिङ्देनको भनाइ छ । घोषणापत्रमा मतदातालाई भ्रममा पार्ने वा केवल भोट बढाउने उद्देश्यले कुनैपनि कुरा नराखिएको उनको जिकिर छ । वितरणमुखी नीति नभई देशको अर्थतन्त्रलाई कसरी मजबुत बनाउने भन्ने कुरामा पार्टी केन्द्रित रहेको उनले बताए ।  

आयात प्रतिस्थापन, रोजगारी अभिवृद्धि, राजश्व वृद्धि र आर्थिक दायरा विस्तार गर्ने स्पष्ट योजनाका आधारमा रास्वपाले घोषणापत्र तयार गरेको उनले जानकारी दिए । सबै विषय यथार्थमा आधारित भएकाले प्रतिवद्धता पूरा गर्न वैदेशिक ऋण लिनु नपर्ने र करसमेत नबढाउनुपर्ने उनको दाबी छ । अर्थतन्त्रलाई व्यवस्थित र विस्तार गर्नसके पाँच वर्षभित्र संकल्पित कार्यक्रमहरू पूरा गर्न सकिने उनले बताए । 

देशको अर्थतन्त्र बढाउन जलविद्युत उत्पादनमा जोड दिने उनको भनाइ छ । जलविद्युत, कृषि र जडिबुटीको माध्यामबाट नेपाललाई समृद्ध बनाउन सकिने उनले तर्क पेश गरे । 

राप्रपाको घोषणापत्र