वीरगञ्ज र जनकपुरमा शाओमीका आधिकारिक सर्भिस सेन्टर

काठमाडौं । विश्वप्रसिद्ध प्रविधि कम्पनी शाओमीले ग्राहकलाई सहज, छिटो र भरपर्दो सेवा उपलब्ध गराउने उद्देश्यले दुई नयाँ आधिकारिक सेवा केन्द्र सञ्चालनमा ल्याएको छ । कम्पनीले वीरगञ्जको आदर्शनगर र जनकपुरको शिवचोकस्थित अर्विट मलमा नयाँ सेवा केन्द्र सञ्चालनमा ल्याएको हो ।
यी सेवा केन्द्र सञ्चालनमा आएसँगै मधेस प्रदेशका शाओमी प्रयोगकर्ताले अब आफ्नै क्षेत्रमा आधिकारिक गुणस्तरीय सेवा प्राप्त गर्न सक्ने कम्पनीले जनाएको छ । नयाँ सेवा केन्द्रले ग्राहकको सन्तुष्टि अझ सुदृढ हुने विश्वास लिइएको छ ।
नयाँ सेवा केन्द्रमार्फत शाओमीका स्मार्टफोन, वेअरएबल्स (स्मार्टवाच तथा फिटनेस ब्यान्ड), हियरएबल्स (इयरफोन तथा हेडफोन) र विभिन्न आईओटी उपकरणको मर्मत, प्राविधिक जाँच तथा सेवा उपलब्ध गराइनेछ । यहाँ प्रयोग हुने सबै स्पेयर पार्ट्स आधिकारिक हुनेछन् ।
यी सेवा केन्द्रको सञ्चालन टेलिडाइरेक्टर प्रालिले गर्नेछ । टेलिडाइरेक्ट रमेश कर्पअन्तर्गतको कम्पनी हो, जसले नेपालभर शाओमी ब्रान्डका लागि आधिकारिक सेवा व्यवस्थापन गर्दै आएको छ । नयाँ सेवा केन्द्र उद्घाटनको अवसरमा कम्पनीले विशेष अफरसमेत घोषणा गरेको छ । सञ्चालनमा आएको मितिदेखि एक महिनासम्म ग्राहकले सबै उपकरणमा निःशुल्क सभिर्सिङ तथा सफ्टवेयर अपग्रेड सेवा पाउनेछन् ।
साथै, वारिन्टीबाहिर रहेका स्पेयर पाट्र्स र मर्मत सेवामा २५ प्रतिशतसम्म छुट तथा वारेन्टीबाहिरका स्पेयर पाट्र्समा कुनै सेवा शुल्क नलाग्ने सुविधा उपलब्ध गराइने पनि कम्पनीले जनाएको छ । दुवै सेवा केन्द्रमा दक्ष तथा तालिमप्राप्त प्राविधिक टोली रहनेछ । टोलीले सामान्य मर्मतदेखि जटिल प्राविधिक समस्यासम्म आधिकारिक र मापदण्डअनुसारको सेवा प्रदान गर्नेछन् ।