छवटामध्ये एउटा कागजातको सक्कल प्रतिले मतदान गर्न पाइने
काठमाडौँ । बिहीबार हुने प्रतिनिधिसभा सदस्य निर्वाचनमा मतदान गर्न मतदाता परिचयपत्र वा त्यसको विकल्पमा अन्य पाँच प्रकारका कागजातका आधारमा मतदान केन्द्र प्रवेश गर्न सकिने निर्वाचन आयोगले स्पष्ट पारेको छ ।
मतदाता परिचयपत्रको सक्कलप्रति नभएमा नेपाली नागरिकता, नागरिकता नभएमा सवारी चालक अनुमतिपत्र, चालक अनुमतिपत्र नभएमा राहदानी, राहदानी नभएमा राष्ट्रिय परिचयपत्र, राष्ट्रिय परिचयपत्र पनि नभएमा जग्गा धनी प्रमाण पुर्जाको सक्कलप्रति बोेकेर मतदान केन्द्र जान सकिने आयोगका सहायक प्रवक्ता कुलबहादुर जिसीले जानकारी दिए । आयोगले तोकेका छ प्रकारका कागजातमध्ये कुनै एक अनिवार्य लिएर मतदान केन्द्र गएमा मतदान गर्न सकिने उनले स्पष्ट पारे ।
भोलि हुने प्रतिनिधिसभा सदस्य निर्वाचनमा १० हजार ९६७ मतदानस्थलमा २३ हजार ११२ मतदान केन्द्र छन् भने १४३ अस्थायी मतदानस्थल छन् । ती केन्द्रमा एक करोड ८९ लाख तीन हजार ६८९ मतदाताले मतदान गर्ने आयोगले जनाएको छ । (रासस)
प्रधानमन्त्रीलगायत शीर्ष नेता र प्रतिष्ठित व्यक्तिहरूले आ–आफ्नो केन्द्रबाट मतदान गर्ने
बुधबार, फागुन २०, २०८२
निर्वाचनका लागि तीन तहको सुरक्षा व्यवस्था, बाहिरी घेरामा नेपाली सेना
बुधबार, फागुन २०, २०८२- श्रीलंकाको समुद्री तट नजिक इरानी युद्धपोत डुब्दा १५० जना बेपत्ता, केहीको मृत्यु भएको आशङ्का
- प्रतिनिधिसभा निर्वाचनको सम्पूर्ण तयारी पूरा, प्रत्यक्षतर्फको मतपरिणाम २४ घण्टाभित्र दिने तयारी
- सिन्धुलीमा बसले ठक्कर दिँदा स्कुटर चालकको मृत्यु
- नगदसहित पक्राउ परेका जसपा उम्मेदवार यादव लिखित स्पष्टीकरण बुझाउने शर्तमा रिहा
- मध्यपूर्वी द्वन्द्वको प्रभावः आइसीसी लिग २ प्रतियोगिता अनिश्चितकालका लागि स्थगित
- निर्वाचनबारे राष्ट्रपतिलाई प्रधानमन्त्रीको 'ब्रिफिङ'
- चर्चित टीभी शृंखला
- मध्यपूर्वको युद्धले लगानीकर्ता चिन्तित
