मध्यपूर्वको युद्धले लगानीकर्ता चिन्तित

सियोलस्थित हाना बैंकको मुख्यालयमा रहेको विदेशी विनिमय कारोबार कक्षभित्र रहेको स्क्रिनमा मंगलबार कोरिया कम्पोजिट स्टक प्राइस इन्डेक्स (कोस्पी) नियालिरहेका लगानीकर्ता । मध्यपूर्वमा बढिरहेको युद्धका कारण दक्षिण कोरियाको कोस्पी सूचकांकमा उच्च गिरावट आएपछि लगानीकर्ता दबाबमा देखिएका छन् । अन्तर्राष्ट्रिय समाचार संस्थाहरुका अनुसार कोस्पी सूचकांकमा एकैपटक ७ प्रतिशतसम्मको गिरावट आएको छ, जुन सन् २०२६ को हालसम्मकै उच्च गिरावट हो । मध्यपूर्वको संघर्षसँगैको अन्योलका कारण हतासिएका लगानीकर्ताका कारण शेयर बिक्री चाप बढेपछि मूल्य ओरालो लागेको छ । युद्धका कारण तेल र ग्यासको मूल्य अकासिने अनुमान भइरहेको छ । दक्षिण कोरियाले सबै कच्चा तेल आयात गर्छ । तेलको मूल्य बढ्दा आर्थिक लागत बढ्ने र मुद्रास्फीति चुलिने आशंकाका बीच शेयर बजारमा नकारात्मक प्रभाव देखिएको हो । तस्बिरः एपी-रासस