साहित्यसेवी थापाको निधन

काठमाडौँ । वरिष्ठ समाजसेवी तथा सामाजिक अभियन्ता बुद्धिबहादुर (अमिर) थापाको आइतबार बालुवाटारस्थित निवासमा निधन भएको छ । राजधानीको उत्तरपूर्वी क्षेत्रमा विशेष गरी शिक्षा तथा साहित्यको श्रीवृद्धिमा विशिष्ट योगदान दिएका ९० वर्षीय थापा साहित्य सदन नेपालका संस्थापक सचिव तथा पूर्वअध्यक्ष थिए । 
साहित्य, कला, संस्कृति तथा समाज सुधारका हिमायतीको रुपमा परिचित बौद्ध रामहिटी निवासी थापाले अरुणिमा शैक्षिक प्रतिष्ठानको स्थापनामा महŒवपूर्ण भूमिका निर्वाह गरेका थिए । अरुणिमाको संस्थापक अध्यक्षसमेत रहेका थापा हाल संरक्षकको रुपमा रहेका थिए । 
थापाले मुलुकको राजनीतिक परिवर्तनको क्रममा जनपक्षीय विकासमा महŒवपूर्ण भूमिका निर्वाह गरेको अरुणिमा शैक्षिक प्रतिष्ठानका अध्यक्ष भीमानन्द ढुंगानाले बताए । थापाको निधनले साहित्य तथा समाजसेवाको विकासमा अपूरणीय क्षति भएको भन्दै साहित्य सदन नेपालले दुःख व्यक्त गरेको छ । साहित्य सदन नेपालका अध्यक्ष प्राडा हेमनाथ पौडेलले साहित्य सदनको विकासमा थापाको महŒवपूर्ण भूमिका निर्वाह गरेको हुदाँ संस्थापक थापाको योगदानलाई सदा स्मरण गर्ने बताए । 
थापाप्रति अन्तिम श्रद्धाञ्जली दिन साहित्यकार, शिक्षासेवी तथा विभिन्न क्षेत्रका व्यक्तिहरुको सहभागिता रहेको थियो ।