इद उल फित्र

अरबी पात्रोको इद उल फित्र पर्व मनाउने क्रममा नेपाली जामे मस्जिद र काश्मिरी मस्जिदमा मुस्लिम धर्मावलम्वीहरू । शनिबार देशभरका मुस्लिम समुदायले हर्षोल्लासका साथ यो पर्व मनाएका छन् । हजारी पात्रो अनुसार नवौं महिनामा गरिने एक महिने रोजा (उपवास) समाप्त भएपछि विशेष नमाज अदा गरी, ठूलाबडाबाट आशीर्वाद लिँदै यो पर्व मनाउने परम्परा रहेको छ । विशेष नमाजपछि तीन दिनसम्म आफन्त तथा ज्येष्ठ सदस्यकहाँ गई आशीर्वाद लिने र साना सदस्यलाई आशीर्वाद दिने चलन छ । पाहुनालाई सेवई, खजुरजस्ता परिकार खुवाउने परम्परा पनि रहेको छ । आफ्नो क्षमताअनुसार दान गरी गरिब तथा दीनदुःखीलाई सहयोग गर्ने भएकाले यसलाई इद उल फित्र भनिएको हो ।
तस्बिर – नेपाल फोटो लाइब्रेरी