अन्तर्राष्ट्रिय शिक्षा तथा ग्लोबल करियर सम्मेलन सम्पन्न

काठमाडौं ।  अन्तर्राष्ट्रिय शिक्षा र करियर निर्माणका क्षेत्रमा विद्यार्थीलाई मार्गनिर्देश गर्ने उद्देश्यले काठमाडौंको नयाँ बानेश्वरस्थित द एभरेष्ट होटलमा आयोजित ‘अन्तर्राष्ट्रिय शिक्षा तथा ग्लोबल करियर सम्मेलन २०२६’ सम्पन्न भएको छ । अर्बिट इन्टरनेसनल एजुकेसन र स्ट्र होल्डिङ्सले एमपावर फाइनान्सिङसँगको सहकार्यमा विशेष कार्यक्रम आयोजना गरेका हुन् ।
एमपावर फाइनान्सिङका दक्षिण एसियाली साझेदारी प्रबन्धक अहद फरहानले काठमाडौंमा आयोजित यस सत्रले नेपाली विद्यार्थीमा विदेश अध्ययन र वित्तीय व्यवस्थापनबारे नयाँ चेतना जागृत गराएको बताए । उनका अनुसार विद्यार्थीलाई केवल विश्वविद्यालय भर्ना हुनु ठूलो कुरा नभई, भविष्यको करियरको मार्गचित्र पहिले नै तयार पार्नु अपरिहार्य छ । फरहानले सम्मेलनले राखेको लक्ष्यअनुरूप विद्यार्थी र सरोकारवालाबीचको संवाद निकै फलदायी भएको उल्लेख गरे ।
सम्मेलनका मुख्य वक्ता प्रितेश जगानीले विद्यार्थीले प्रायः पहिले विश्वविद्यालय छनोट गर्ने र त्यसपछि मात्र करियरको बारेमा सोच्ने गलत परम्परा रहेको औंल्याए । ‘करियरको स्पष्टता, त्यसपछि उपयुक्त विश्वविद्यालय र अन्त्यमा आर्थिक स्रोत वा फन्डिङ’को सुत्र पछ्याउन उनले सुझाव दिए ।