दीपा दाहाल प्रधानमन्त्रीको प्रेस विज्ञमा नियुक्त

काठमाडौं ।  पत्रकार दीपा दाहाल प्रधानमन्त्री वालेन्द्र शाहको प्रेस तथा अनुसन्धान विज्ञ नियुक्त भएकी छन् । प्रधानमन्त्रीको सल्लाहकार र सचिवालय व्यवस्थापन कार्यविधि, २०७४ बमोजिम उनलाई उक्त पदमा नियुक्त गरिएको प्रधानमन्त्रीको सचिवालयले जनाएको छ ।
दाहालले प्रधानमन्त्री शाहको सञ्चार रणनीति, मिडिया र अनुसन्धानमा भूमिका निर्वाह गर्नेछिन् । भ्रष्टाचार नियन्त्रण, सुशासन र सामाजिक न्यायको क्षेत्रमा उनको पत्रकारिताको अनुभवलाई सरकारको मूलधारमा जोड्न यो नियुक्ति गरिएको जनाइएको छ ।