सभामुख अर्यालको प्रमुख स्वकीय सचिवमा मुना र स्वकीय सचिवमा नवराज नियुक्त
काठमाडौँ । प्रतिनिधिसभाका सभामुख डीपी अर्यालको सचिवालयमा मुना कुँवर र नवराज पाण्डेलाई नियुक्त गरिएको छ । सभामुख अर्यालले सोमबार आफ्नो प्रमुख स्वकीय सचिवमा कुँवर र स्वकीय सचिवमा पाण्डेलाई नियुक्त गरेका हुन् ।
प्रतिनिधिसभाको आइतबारको बैठकबाट अर्याल सभामुखमा निर्विरोध निर्वाचित भएलगत्तै उनले आफ्नो सचिवालय गठन गरेका हुन् ।
प्रमुख स्वकीयमा नियुक्त कुँवर नेपाल सरकारको सहसचिव र स्वकीय सचिवमा नियुक्त पाण्डेले नेपाल सरकारको उपसचिव सरहको सेवा, सुविधा प्राप्त गर्नेछन् ।
अर्याल श्रम, रोजगार तथा सामाजिक सुरक्षामन्त्री भएका बेला कुँवर प्रेस संयोजकको जिम्मेवारीमा थिइन् । उनी पछिल्लो समय विभिन्न सञ्चारमाध्यममा क्रियाशील थिइन् ।
कुँवरले आमसंचार र पत्रकारितामा एमफिल गरेकी छन् भने विकास पत्रकारितामा एमए र कानुनमा स्नातकसम्मको अध्ययन गरेकी छन् ।
त्यस्तै, स्वकीय सचिवमा नियुक्त पाण्डेसँग पनि विभिन्न सञ्चारमाध्यममा काम गरेको अनुभव छ ।
गृहमन्त्रीको कार्यशैलीबारे रास्वपा सांसदकै गुनासो
मंगलबार, वैशाख १, २०८३
मन्त्रीहरूको सम्पत्ति तत्काल छानबिन गर्न माग गर्दै विद्यार्थी संगठनको प्रदर्शन
सोमबार, चैत ३०, २०८२
