सार्वजनिक लेखा समिति सभापतिमा कांग्रेसका खड्का निर्विरोध निर्वाचित

काठमाडौं । प्रतिनिधिसभाको सार्वजनिक लेखा समितिको सभापतिमा नेपाली कांग्रेसका सांसद भरतबहादुर खड्का निर्वाचित भएका छन् ।
समितिको सभापति पदमा खड्कालाई निर्वाचित गरियो भन्ने एक मात्रै प्रस्ताव परेपछि उनी निर्विरोध निर्वाचित भएका हुन् । शुक्रबार बसेको समिति बैठकले खड्कालाई निर्विरोध निर्वाचित भएको घोषणा गरेको हो । उनको प्रस्तावक मोहन आचार्य र समर्थक जनकराज गिरी थिए। सभापति पदका लागि कांग्रेस सांसद खड्काले बिहीबार मनोनयन दर्ता गराएका थिए । 
सत्तारुढ दल रास्वपाले लेखा समिति सभापतिमा प्रमुख प्रतिपक्षी दललाई सहयोग गर्ने निर्णय गरेको थियो । खड्का डोटीबाट प्रत्यक्षतर्फ निर्वाचित सांसद हुन् ।