गौरव गाथा

जीतगढी किल्लामा सोमबार लुम्बिनीका मुख्यमन्त्री चेतनारायण आचार्य र नेपाली सेना ।  बुटवल उपमहानगरपालिकाको आयोजनामा बर्सेनि मनाइँदै आएको जीतगढी विजय  उत्सव यस वर्ष पनि विशेष कार्यक्रमका साथ सुरु गरिएको हो । उत्सवमार्फत ऐतिहासिक जीतगढी किल्लाको संरक्षण, प्रवद्र्धन र वीरताको इतिहासलाई जनस्तरसम्म पु-याउने लक्ष्य राखिएको  छ । सो अवसरमा गोर्खाबाट पैदलयात्रा गर्दै आइपुगेको नेपाली सेनाको टोलीलाई स्वागत गरिएको थियो । विसं. १८७२ वैशाख ७ मा आधुनिक हतियारसहित आएको अंग्रेज फौजलाई नेपाली सेनाले पराजित गरेको ऐतिहासिक दिनको सम्झनामा यो उत्सव मनाइँदै आएको छ । बुटवलको तिनाउ नदी किनारस्थित जीतगढी क्षेत्रमा भएको युद्धमा नेपाली सेनाको नेतृत्व कर्णेल उजिरसिंह थापाले गरेका थिए भने अंग्रेज फौजको नेतृत्व जनरल सुलेभान उडले गरेका थिए । चुरे पर्वतको काख र तिनाउ खोलाको पश्चिम किनारमा रहेको यो किल्ला सेनकालीन समयमा १६ औं शताब्दीमा निर्माण भएको मानिन्छ । अंग्रेजसँगको युद्धमा विजय हासिल गरेपछि यसको नाम ‘जीतगढी’ रहन गएको स्थानीय जानकार बताउँछन् । तस्बिरः प्रदीप आचार्य/नेपाल फोटो लाइब्रेरी