सम्पत्ति शुद्धीकरण विभागको महानिर्देशकको जिम्मेवारी निर्मल ढकाललाई

काठमाडौं । सम्पत्ति शुद्धीकरण अनुसन्धान विभागको महानिर्देशकको जिम्मेवारी निर्मल ढकालले पाएका छन् । अर्थ मन्त्रालयले सहसचिव ढकाललाई विभागको महानिर्देशकको जिम्मेवारी दिएको हो।

अर्थमन्त्री स्वर्णिम वाग्लेको सचिवालयका अनुसार सोही विभागमा उपमहानिर्देशकको जिम्मेवारीमा रहेका ढकाललाई महानिर्देशकको जिम्मेवारी दिएको जनाइएको छ । पछिल्लो समय सरकारले गैरकानुनी रूपमा आर्जन गरेको सम्पत्तिमाथि तीव्र छानबिन गरिरहेको छ।