‘रातो रातो बर्को’ सार्वजनिक

नेपाली लोक दोहोरी संगीत क्षेत्रमा नयाँ गीत ‘रातो रातो बर्को’ सार्वजनिक भएको छ । गीतमा चर्चित गायक कुलेन्द्र विश्वकर्मा र लोकप्रिय गायिका रचना रिमालको सुमधुर स्वर रहेको छ ।
स्लो मोशन पिक्चर्सद्वारा प्रस्तुत गरिएको उक्त गीतमा प्रथम छेत्री र सुनीशा बजगाईंको आकर्षक अभिनय देख्न सकिन्छ । प्रेम, रोमान्स र लोक संस्कृतिको सुन्दर संयोजनले सजिएको यस गीतले दर्शक तथा स्रोतामाझ सकारात्मक प्रतिक्रिया बटुल्न थालेको छ ।
गीतका शब्द नेत्र अर्यालले लेखेका हुन् भने संगीत संयोजन खेम सेन्चुरीले गरेका छन् । भिडियो निर्देशन पनि प्रथम छेत्रीले नै गरेका हुन् ।
जापानमा बसोबास गर्दै नेपाली गीत–संगीतप्रति गहिरो माया राख्ने निर्माता रवीन्द्र कुँवरको लगानी र पहलमा तयार गरिएको यो गीतले नेपाली लोक संगीतलाई अन्तर्राष्ट्रिय स्तरसम्म प्रवद्र्धन गर्ने अपेक्षा गरिएको छ ।
हालै सार्वजनिक गरिएको यस गीतले छोटो समयमा नै दर्शकको ध्यान आकर्षित गर्न सफल भएको छ । लोक दोहोरी संगीतप्रेमीका लागि नयाँ स्वाद दिने ‘रातो रातो बरुको’ अहिले युट्युबलगायत विभिन्न डिजिटल प्लेटफर्ममा उपलब्ध छ ।