कांग्रेस केन्द्रीय समितिमा १९ थपिए

काठमाडौं । कांग्रेस सभापति गगन थापाले रिक्त रहेका पदहरूमा १९ जना केन्द्रीय सदस्यहरू मनोनीत गरेका छन् । पार्टी संगठनलाई पूर्णता दिने क्रममा उनले पूर्वसभापति शेरबहादुर देउवा र नेता डा. शेखर कोइराला समूहका नेताहरूलाई केन्द्रीय समितिमा ल्याएका छन् । 
पार्टीको आन्तरिक सन्तुलन मिलाउन दुवै समूहका नेताहरूलाई समेटेर मनोनयन गरेका छन् । धनुषाका महेन्द्र यादव, कास्कीका जीवन परियार, चितवनका उमेश श्रेष्ठ र पर्साका रमेश रिजाल केन्द्रीय सदस्यमा मनोनीत भएका छन् । त्यसैगरी, मोरङकी सुजाता कोइराला, दार्चुलाका दिलेन्द्रप्रसाद बडू, गुल्मीका डा. चन्द्रकान्त भण्डारी र पर्साका अजयकुमार चौरसिया पनि नयाँ कार्यसमितिमा समेटिएका छन् । त्यस्तै, मनोनयनमा पर्ने अन्य नेताहरूमा लक्ष्मी परियार (उदयपुर), आंगेलु शेर्पा (सोलुखुम्बु), दिनेशकुमार यादव (सप्तरी), राजीव कोइराला (सुनसरी) र राजीव ढुंगाना (सुनसरी) छन्  । यस्तै,  गोविन्दराज पोखरेल (प्यूठान), सुशिला मिश्र भट्ट (कैलाली), नागिना यादव (महोत्तरी), दिनेश कोइराला (चितवन), जीवन राना (कैलाली) र सीता थपलिया (धादिङ) छन् । पार्टीको पछिल्लो महाधिवेशनपछि रिक्त रहेका र विधानतः सभापतिले मनोनयन गर्न पाउने कोटाबाट यी नेताहरूलाई जिम्मेवारी दिइएको हो ।