सक्सेस स्कलरसिप कन्क्लेभ सम्पन्न

काठमाडौं । विदेश अध्ययनका अवसर, सही अध्ययन गन्तव्य छनोट, छात्रवृत्ति तथा आवश्यक तयारीबारे विद्यार्थी र अभिभावकलाई प्रत्यक्ष जानकारी प्रदान गर्ने उद्देश्यले सक्सेस एब्रोड स्टडीद्वारा आयोजित सक्सेस स्कलरसिप कन्क्लेभ २०२६ सफलतापूर्वक सम्पन्न भएको छ ।
काठमाडौंस्थित सक्सेस एब्रोड स्टडीको कार्यालय परिसरमा आयोजित कार्यक्रम आइतबार बिहान ११ बजेदेखि दिउँसो ३ः०० बजेसम्म सञ्चालन भएको थियो । कार्यक्रममा ३०० भन्दा बढी विद्यार्थीको उत्साहजनक सहभागिता थियो । विशेषगरी हालै प्लस २ परीक्षा सम्पन्न गरेका विद्यार्थीको उल्लेखनीय उपस्थिति रहेको आयोजकले जनाएको छ । धेरै विद्यार्थी आफ्ना अभिभावकसँगै कार्यक्रममा सहभागी भएका थिए, जसले विदेश अध्ययनसम्बन्धी विषयमा परिवारको बढ्दो चासो र सचेतनालाई झल्काएको छ ।
कार्यक्रममा अमेरिका, अस्ट्रेलिया, जापान, क्यानडा, बेलायत, दक्षिण कोरिया, न्युजिल्याण्ड, जर्मनीलगायतका लोकप्रिय अध्ययन गन्तव्यहरूबारे विस्तृत जानकारी प्रदान गरिएको थियो । विभिन्न देशका शैक्षिक प्रणाली, अध्ययन खर्च, छात्रवृत्तिका अवसर, भिसा प्रक्रिया, काम तथा अध्ययनको सम्भावना, स्नातकपछिका करियर अवसरलगायतका विषयमा अनुभवी काउन्सिलर तथा प्रतिनिधिहरूले परामर्श प्रदान गरेका थिए । सहभागीहरूले आफूलाई उपयुक्त गन्तव्य छनोट गर्न व्यक्तिगत परामर्शसमेत प्राप्त गरेका थिए ।