प्रोटोन इमास–५ इभी गाडी नेपाली बजारमा, सुरुवाती भेरियन्टको मूल्य ३० लाख रुपैयाँ

काठमाडौं । नेपालका लागि प्रोटोन गाडीको आधिकारिक वितरक जगदम्बा मोटर्स प्रालिले नयाँ विद्युतीय कम्प्याक्ट एसयूभी प्रोटोन इ.मास–५ नेपाली बजारमा सार्वजनिक गरेको छ ।  राजधानीमा कार्यक्रम गरी यो गाडी सार्वजनिक गरिएको हो । नेपाली बजारमा सार्वजनिक गरिएको यो प्रोटोन ब्रान्डको दोस्रो विद्युतीय मोडल हो । प्रोटोन इ.मास–५ ले हालै मलेसियाको प्रतिष्ठित ‘अलायान्ज डीएसएफ भेहिकल अफ द इयर अवाड्र्स २०२६’ मा ‘इलेक्ट्रिक कम्प्याक्ट भेहिकल अफ द इयर’ उपाधि जितिसकेको छ ।

सहरी तथा दैनिक यात्रालाई लक्षित गरी तयार गरिएको यस गाडीमा १४.६ इन्चको टचस्क्रिन इन्फोटेनमेन्ट प्रणाली, वायरलेस एप्पल कारप्ले र एन्ड्रोइड अटो सुविधा उपलब्ध छ । साथै, ७० लिटरको फ्रन्ट टं«क, ३७५ लिटरको रियर लगेज स्पेस तथा ३२ वटा स्टोरेज कम्पार्टमेन्ट लगायत यो गाडीको विशेषता रहेको कम्पनीले जनाएको छ । जगदम्बा मोटर्सका एक्जिक्युटिभ डाइरेक्टर अखिल गुप्ताले नेपाली ग्राहकलाई अत्याधुनिक प्रविधि, उत्कृष्ट सुविधा र प्रतिस्पर्धी मूल्यमा विश्वस्तरीय विद्युतीय एसयूभी उपलब्ध गराउने उद्देश्यका साथ इ.मास–५ गाडी सार्वजनिक गरिएको बताए ।

उनले यो गाडीले नेपालमा दिगो यातायातको विस्तारमा योगदान पु¥याउने विश्वास व्यक्त गरे । प्रोटोन इन्टरनेसनलका डेपुटी डाइरेक्टर लि झिदानले नेपाललाई कम्पनीको अन्तर्राष्ट्रिय विस्तार रणनीतिको महत्त्वपूर्ण बजारका रूपमा उल्लेख गर्दै जगदम्बा मोटर्ससँगको सहकार्यले नेपाली ग्राहकलाई भरपर्दो र नवीन विद्युतीय सवारी उपलब्ध गराउने बताए । उनका अनुसार विश्वभर ६ लाख १० हजारभन्दा बढी ग्राहकले इ.मास–५ मा प्रयोग गरिएको प्लेटफर्म अपनाइसकेका छन् ।

प्रोटोन इ.मास–५ प्राइम र प्रिमियम गरी दुई भेरियन्टमा उपलब्ध छ । यो गाडीको प्राइम भेरियन्टको सुरुवाती मूल्य २९ लाख ९९ हजार रुपैयाँ तथा प्रिमियम भेरियन्टको ३४ लाख ९९ हजार रुपैयाँ निर्धारण गरेको छ । यो विशेष मूल्य पहिलो १०० ग्राहक तथा सीमित अवधिका लागि मात्र लागू हुने कम्पनीले जनाएको छ । ग्राहकहरूले देशभरका प्रोटोन इ.मास शोरुममा गाडीको अवलोकन, टेस्ट ड्राइभ तथा बुकिङ गर्न सक्ने पनि कम्पनीले जनाएको छ ।