सिनामंगलकाे काठ गोदाममा आगलागी

काठमाडौंको सिनामंगल गैरीगाउँस्थित ईश्वरबहादुर कार्कीको काठ गोदाममा मंगलबार लागेको आगो निभाउँदै अग्निनियन्त्रक र सुरक्षाकर्मी । गोदाममा विदेशबाट आयात हुने सामानहरू ल्याउँदा प्याक गर्ने काठका बक्साहरू राखिएका थिए । अचानक भएको आगलागीले त्रिभुवन अन्तर्राष्ट्रिय विमानस्थलको आकाशमै कालो मुस्लो देखिएको थियो । ११ वटा दमकलसहित तीनवटा पानी ट्यांकर प्रयोग गरी आगलागी नियन्त्रणमा लिइएको जिल्ला प्रहरी परिसर काठमाडौंका एसपी पवन भट्टराईले बताए । आगो निभाउन करिब २ घण्टा लागेको थियो । आगलागीबाट नजिकको लोयला स्कूलको भवन र केही घरमा पनि क्षति पुगेको छ । नेपाली सेना, प्रहरी, सशस्त्र बल र स्थानीयको प्रयासपछि आगलागी नियन्त्रणमा आएको हो । तस्बिर : नेपाल फोटो लाइब्रेरी