विजयादशमीको उत्तम साइत असोज १६ गते बिहान ११:५३ बजे

काठमाडौँ, ३१ भदौ - यस वर्षको विजयादशमीको टीका लगाउने उत्तम साइत असोज १६ गते बिहान ११:५३ बजे पर्ने भएको छ। नेपाल पञ्चाङ्ग निर्णायक विकास समितिले आज साइत सार्वजनिक गरेको हो।

समितिका अध्यक्ष प्रा. शम्भुप्रसाद ढकालका अनुसार बडादसैँ असोज ६ गते बिहान ९:१३ बजे घटस्थापनासहित सुरु हुनेछ। असोज १३ गते फूलपाती, असोज १४ गते महाअष्टमी र कालरात्रि, असोज १५ गते महानवमी र असोज १६ गते विजयादशमी पर्छ।

त्यस्तै असोज २० गते सोमबार अखिलबलिपूर्ति तथा कोजाग्रत पूर्णिमा परेको समितिले जनाएको छ। यस वर्षको दशैँ पर्व औपचारिकरूपमा असोज ६ गतेदेखि सुरु हुने स्पष्ट पारिएको छ।