ग्यालेक्सी एम १७ फाइभजी नेपाली बजारमा

काठमाडौं (संवाददाता)– सामसङले आफ्नो लोकप्रिय ग्यालेक्सी एम सिरिजलाई बिस्तार गर्दै नेपालमा नयाँ स्मार्टफोन ग्यालेक्सी एम १७ फाइभजी सार्वजनिक गरेको छ । आकर्षक डिजाइन, मजबुत टिकाउपन र अत्याधुनिक एआई–सक्षम सुविधासहित आएको यस फोनले आफ्नो सेग्मेन्टमै पहिलोपटक अप्टिकल इमेज स्टेबिलाइजेसन अर्थात् नो सेक क्यामेरा प्रविधि ल्याएको छ । यो प्रविधिले प्रयोगकर्ताहरूलाई जहाँ भए पनि स्थिर र स्पष्ट फोटो तथा भिडियो खिच्न सहज बनाउने सामसङको दाबी छ । 

सामसङ इलेक्ट्रोनिक्स नेपालका एमएक्स व्यवसाय निर्देशक प्रणय रत्न स्थापितले भने, ‘ग्यालेक्सी एम १७ फाइभजीमार्फत हामी एआई र प्रिमियम क्यामेरा टेक्नोलोजीलाई अझ व्यापक नेपाली प्रयोगकर्तासम्म पु¥याउँदैछौं,’ उनले भने, ‘नो सेक क्यामेरासहितका नवीन सुविधाहरूले दैनिक जीवनलाई अझ स्मार्ट, सहज र रमाइलो बनाउनेछ । यो फोन ती युवाहरूका लागि बनाइएको हो, जो नीडर, सिर्जनात्मक र सधैं गतिशील हुन्छन् ।’

यो मोबाइलमा गुगलमा सर्च गर्न मिल्ने, एआईले वास्तविक समयमा एआईजस्ता फिचरहरू समावेश रहेको र यसले अन्वेषण, मल्टिटास्किङ र संवादलाई झन् सहज बनाउने कम्पनीको दाबी छ ।

ग्यालेक्सी एआईद्वारा सञ्चालित यो स्मार्टफोनमा सर्कल तय सर्च विथ गुगल र रियल–टाइम एआई एसिस्टजस्ता अत्याधुनिक सुविधाहरू समावेश छन्, जसले अन्वेषण, मल्टिटास्किङ र संवादलाई अझ सहज बनाउँछ ।

६ न्यानोमिटरको Exynos १३३० प्रोसेसरले उच्च प्रदर्शन र ऊर्जा–दक्षता प्रदान गर्दै गेमिङ, स्ट्रिमिङ र दैनिक कार्यमा उत्कृष्ट अनुभव दिनेछ ।