वायु प्रदूषण न्यूनीकरणका लागि सवारीसाधनको परीक्षण

सवारीसाधनबाट हुने वायु प्रदूषण न्यूनीकरणका लागि वातावरण विभागले बुधबार उपत्यकामा सडकमै डिजेल तथा पेट्रोल सवारीसाधनको परीक्षण गरेको छ । बानेश्वरदेखि माइतीघर खण्डमा परीक्षण गरिएका ३६ मध्ये सवारीसाधनमध्ये १२ वटा प्रदूषण मापदण्डमा फेल भए । यो तथ्यांकले करिब २५ प्रतिशत सवारीसाधनमा प्रदूषण मापदण्ड नपुगेको देखाउँछ । विभागले फेल भएका सवारीसाधनलाई आवश्यक मर्मत गरी तोकिएको मापदण्ड पूरा गरेर मात्र सञ्चालन गर्न निर्देशन दिएको थियो । यस्तै उपत्यका ट्राफिक प्रहरीले तोकिएको जरिवाना तिराएको छ । विभागकी मेकानिकल इन्जिनियर लक्ष्मी श्रेष्ठका अनुसार वायु प्रदूषण नियन्त्रणका प्रयासअन्तर्गत सवारीसाधनबाट निस्कने प्रदूषक तत्वको न्यूनीकरण तथा नियन्त्रणका लागि परीक्षण गरिएको हो । तस्बिर : नेपाल फोटो लाइब्रेरी