दुर्गा प्रसाईंलाई थुनामुक्त गर्न सर्वोच्चको आदेश

काठमाडौं । मेडिकल व्यवसायी दुर्गा प्रसाईंलाई थुनामुक्त गर्न सर्वोच्च अदालतले आदेश जारी गरेको छ।

सर्वोच्चका न्यायाधीश महेश शर्मा पौडेलको इजलासले प्रसाईंलाई थुनामुक्त गर्न आदेश दिएको हो।

जिल्ला प्रहरी परिसर काठमाडौंको हिरासतमा रहेका प्रसाईंले बन्दी प्रत्यक्षीकरणको रिट दायर गरेका थिए। उक्त रिटमाथि शुक्रबार सुनुवाइ गर्दै अदालतले उनलाई थुनामुक्त गर्ने आदेश दिएको हो।

यसअघि प्रहरीले प्रसाईंलाई भक्तपुरस्थित उनको निवासबाट पक्राउ गरेको थियो।