प्रदेश
‘पहिरोले आंशिक थुनिएको चौलानी नदीको बहाव सामान्य’
शुक्रबार, भदौ १९, २०८३ १८:०१
काठमाडौँ । दार्चुलाको अपिहिमाल गाउँपालिका वडा नं १ भट्टारमा पहिरोले आंशिक थुनिएको चौलानी नदीको बहाब सामान्य भएको जिल्ला प्रशासन कार्यालय दार्चुलाले जनाएको छ ।
आज दिउँसो खसेको पहिरोले केही समय चौलानी नदी आंशिक थुनिएकामा केहीबेरपछि सामान्य अवस्थामा नै खुलेको थियो । दार्चुलाका सहायक प्रमुख जिल्ला अधिकारी मोहनसिंह धामीले अहिले चौलानी नदी सामान्य अवस्थामा बग्न थालेको सूचना पाइएको जानकारी दिए ।
पहिरोले अपिहिमाल आधार शिविर जाने मार्ग भने अवरुद्ध गरेको उनले जानकारी दिए । “अहिले पहिरो झर्नेक्रम रोकिएको छ, थुनिएको नदी खुलिसकेको छ”, उनले भने । सो ठाउँमा विगतमा पनि पहिरो गएको उनले सुनाए । पहिरोबाट नजिकैको वस्ती जोखिममा परेको छ । यद्यपि, आजको पहिरोले बस्तीमा क्षति पुगेको छैन ।
सो क्षेत्रबाट माथि अपिहिमालको आधार शिविर पर्दछ । यसअघि पहिरो खसेर सो नदी केही थुनिएको सूचना प्राप्त हुनेबित्तिकै जिल्ला प्रशासन कार्यालयले तटीय क्षेत्रमा सतर्कता अपनाउन सूचित गरेको थियो ।
प्रकाशित मिति: शुक्रबार, भदौ १९, २०८३ १८:०१
प्रतिक्रिया दिनुहोस्
थप प्रदेश
दसैँले गाउँबस्तीमा रौनक
सोमबार, कात्तिक २, २०८३
दरवाङमा सडक कालोपत्र
सोमबार, कात्तिक २, २०८३
सिन्धुली सुमो दुर्घटनाका मृतक, बेपत्ता र घाइतेको पहिचान खुल्यो
सोमबार, कात्तिक २, २०८३
‘दसैँ गाउँमै रमाइलो’
सोमबार, कात्तिक २, २०८३
भर्खरै
- विजयादशमीको टीकाको उत्तम साइत बिहान १० बजेर २६ मिनेटमा
- विश्वकप लिग-२ : ओमानविरुद्ध नेपालको १० रनको जित
- दसैँले गाउँबस्तीमा रौनक
- मासु खाँदा हड्डी अड्किए आफैँ निकाल्ने प्रयास नगर्न चिकित्सकको सुझाव
- नवरात्रको नवौँ दिनः शक्तिपीठमा भक्तजनको घुइँचो
- दसैँको संस्कृतिबाट साधनाको पक्ष बिलाउन लागेको छः संस्कृतिविद् डा गोविन्द टण्डन
- राष्ट्रपति पौडेलद्वारा शक्तिपीठहरूमा पूजाआराधना एवं दर्शन
- दरवाङमा सडक कालोपत्र
साताको लोकप्रिय
