अरुणिमामा बाल चित्रकला प्रतियोगिता

अरुणिमा–रमेश विकल अन्तर विद्यालयस्तरीय स्थलगत बाल चित्रकला प्रतियोगिता–२०२६ नव अरुणिमा माध्यमिक विद्यालय, आरुबारीमा भदौ २० गते सम्पन्न भयो । प्रतियोगितामा कक्षा ६ देखि १० सम्म अध्ययनरत २९ विद्यालयका ५६ विद्यार्थी सहभागी थिए । नेपाल ललितकला प्रज्ञा प्रतिष्ठानका पूर्वकुलपति के.के. कर्माचार्यको प्रमुख आतिथ्यमा सम्पन्न कार्यक्रममा चित्रकलाको मूल्याङ्कन प्राध्यापक कृष्ण गोपाल श्रेष्ठ र भिजुअल आर्टिस्ट सम्झना राजभण्डारीले गरेका थिए । प्रतियोगितामा जिनियस इंगलिस स्कुलकी सम्झना तामाङ प्रथम, अरुणिमा माविकी स्वीकृति तामाङ द्वितीय, शिक्षालय नेपालका युजधोज थापा तृतीय र हिमशृंखला एकेडेमीकी रश्मि श्रेष्ठ चतुर्थ भए । द सेलिब्रेसन को–एडका लोमस पुडासैनीले निर्णायक प्रोत्साहन पुरस्कार प्राप्त गरे । विजेतालाई प्रमाणपत्र, ट्रफी र मेडल प्रदान गरिएको थियो ।