राजनीति

पक्राउ परेका सबै पत्रकार रिहा, प्रेस स्वतन्त्रताप्रति सरकार पूर्ण प्रतिबद्ध

न्यूज २४ दैनिक

शुक्रबार, कात्तिक १३, २०८३ २१:११

पक्राउ परेका सबै पत्रकार रिहा, प्रेस स्वतन्त्रताप्रति सरकार पूर्ण प्रतिबद्ध

काठमाडौँ । सरकारले पक्राउ परेका सबै पत्रकारहरूलाई रिहा गरेको छ । सञ्चारमन्त्री डा‍. विक्रम तिमल्सिनाले सामाजिक सञ्जालमा आधिकारिक रूपमा सार्वजनिक गरेको जानकारी अनुसार हिरासतमा रहेका सबै पत्रकारहरू अहिले मुक्त भइसकेका छन् ।

पत्रकारहरूको रिहाइ लगत्तै सरकारले प्रेस स्वतन्त्रता र उत्तरदायी पत्रकारिताप्रति आफ्नो दृढ संकल्प दोहोर्‍याएको छ । सरकारका तर्फबाट जारी सन्देशमा भनिएको छ, "सरकार प्रेस स्वतन्त्रताप्रति पूर्ण प्रतिबद्ध छ । प्रेस स्वतन्त्रता र जिम्मेवार पत्रकारिता लोकतन्त्रका आधारस्तम्भ हुन् ।"

यस निर्णयलाई पत्रकारिता क्षेत्र र नागरिक समाजले सकारात्मक रूपमा लिएका छन् । लोकतान्त्रिक व्यवस्थामा सञ्चार माध्यमको स्वतन्त्रता र राज्यको जबाफदेहितालाई अक्षुण्ण राख्न यो कदम महत्त्वपूर्ण सावित हुने विश्वास गरिएको छ ।

प्रकाशित मिति: शुक्रबार, कात्तिक १३, २०८३ २१:११

प्रतिक्रिया दिनुहोस्