खेलकुद
नेपालले जित्यो यू–१९ महिला क्रिकेट प्रतियोगिताको उपाधि
आइतबार, कात्तिक २२, २०८३ १७:४०
काठमाडौँ । नेपाली यू–१९ महिला क्रिकेट टोलीले चीनमा सम्पन्न बेल्ट एन्ड रोड सिरिजको उपाधि जितेको छ । हङकङसँगको आजको अन्तिम खेल वर्षाका कारण पूरा हुन नसकेपछि नेपालले अपराजित रहँदै प्रतियोगिताको उपाधि उचालेको हो ।
छ टोलीको सहभागिता रहेको प्रतियोगितामा नेपालले खेलेका ६ मध्ये चार खेलमा जित हासिल ग¥यो । बाँकी दुई खेल वर्षाका कारण रद्द भएका थिए ।
नेपालले सिरिजको पहिलो खेलमै थाइल्याण्डलाई सात विकेटले हराउँदै सुखद सुरुआत गरेको थियो । त्यसपछि चीनसँगको दोस्रो खेल वर्षाले प्रभावित भएपछि नतिजाविहीन बनेको थियो । तेस्रो खेलमा हङकङलाई ९२ रनको फराकिलो अन्तरले पराजित गरेको नेपालले चौथो खेलमा पुनः थाइल्याण्डमाथि ५२ रनको जित निकालेको थियो ।
पाँचौँ खेलमा आयोजक चीनलाई ८४ रनले हराउँदै उपाधि यात्रालाई थप बलियो बनाएको नेपालले अन्तिम खेलमा हङकङसँग प्रतिस्पर्धा गरेको थियो । उक्त खेलमा पहिले ब्याटिङ गरेको नेपालले वर्षाले खेल रोकिनुअघि ११ ओभरमा दुई विकेटको क्षतिमा ८८ रन बनाएको थियो । त्यसपछि मौसम प्रतिकूल बनेपछि खेल पुनः सञ्चालन हुन सकेन ।
प्रतियोगितामा नेपाल, आयोजक चीन, हङकङ र थाइल्याण्ड गरी चार टोली सहभागी थिए ।
प्रकाशित मिति: आइतबार, कात्तिक २२, २०८३ १७:४०
प्रतिक्रिया दिनुहोस्
थप खेलकुद
एनपिएलमा पोखरा एभेन्जर्सको पहिलो जित
सोमबार, कात्तिक २३, २०८३
एनपीएलः आज कर्णाली र पोखरा तथा चितवन र काठमाडौँबीच प्रतिस्पर्धा
सोमबार, कात्तिक २३, २०८३
एनपिएलले बढाउन सक्छ पर्यटन
आइतबार, कात्तिक २२, २०८३
भर्खरै
- दाङमा छ सयभन्दा बढी गाईको सामूहिक पूजा
- तिहार नजिकिँदै गर्दा दाजुभाइ र दिदीबहिनीको सम्झना
- नुवाकोटमा मोटरसाइकल दुर्घटना हुँदा तीन जनाको मृत्यु
- जिप दुर्घटनामा दुई जनाको मृत्य, १३ घाइते
- एउटै पर्व, फरक संस्कृति-पहाडमा भाइटीका, मधेसमा भरदुतिया
- दोस्रो सेलरोटी बनाउने प्रतियोगिता–२०८३ भव्य रूपमा सम्पन्न, सन्तोषी खरेल प्रथम
- एनपिएलमा पोखरा एभेन्जर्सको पहिलो जित
- भोटेकोशीको कटानले रसुवाको हाकुबेँसी गाउँ जोखिममा, बस्ती सार्न माग
साताको लोकप्रिय
