साहित्य

श्रीकृष्णका कविता लोकार्पित

न्यूज २४ दैनिक

आइतबार, कात्तिक २२, २०८३ ०७:३१

श्रीकृष्ण सिम्खडाका कविताहरुको संग्रह ‘श्रीकृष्ण सिम्खडाका कविताहरू भाग ३’ लोकार्पण गरिएको छ । ८२ वर्षीया समाजसेवी धनकुमारी कोइरालाले शुक्रबार उक्त कविता संग्रह विमोचन गरिन् ।
कोइराला कुटी बत्तीसपुतलीमा आयोजित कार्यक्रममा उनले कवितासंग्रहले नेपाली साहित्यमा एउटा नयाँ आयाम थपेको बताइन् ।

संग्रहमा ८० वटा कविता समेटिएका छन् । सामाजिक व्यङ्ग्यलाई मुख्य विषयवस्तु बनाइएका कवितामार्फत कवि सिम्खडाले समसामयिक सामाजिक विकृति र विसङ्गतिलाई प्रस्तुत गरेका छन् ।

संग्रहमा समेटिएको एक कवितामा उनले लेखेका छन्–

बारीका डिलहरूमा हल्लिरहेछन्
नारनपाती र तीतेपातीहरू
चोक चोकमा हल्लिरहेछन्
एक नम्बर बेइमान खुरापातीहरू

कविता संग्रह लोकार्पण कार्यक्रममा पूर्वअर्थमन्त्री तथा वरिष्ठ साहित्यकार शंकरप्रसाद कोइराला (एसपी कोइराला) लगायतको सहभागिता रहेको थियो ।

प्रकाशित मिति: आइतबार, कात्तिक २२, २०८३ ०७:३१

प्रतिक्रिया दिनुहोस्