‘पर्यावरणीय सभ्यतामाथि सी जिनपिङको विचार’ विषयमा छलफल

काठमाडौं । ‘पर्यावरणीय सभ्यतामाथि सी जिनपिङको विचार’ विषयमा विज्ञहरूले छलफल कार्यक्रम शुक्रबार राजधानीको बत्तीसपुतलीमा सम्पन्न भएको छ । फ्रेन्ड्स अन द क्लाउडः प्लेटफर्म अफ इन्फ्लुएन्सर्सले आयोजना गरेको यो कार्यक्रममा विभिन्न क्षेत्रका विज्ञहरूले चीनले पर्यावरणीय विकासमा गरेको प्रगतिलाई नेपालले पनि अनुशरण गर्न सक्ने बताएका छन् ।
वातावरणविद् डा. धर्म उप्रेतीले नेपालको प्राकृतिक स्रोत र अवस्थालाई राम्रोसँग बुझेर विकासको मोडेल अघि बढाउन सकेमा नेपालको विकासमा सहयोग पुग्ने बताए । विज्ञ डा. सञ्जयनाथ खनालले चीनले वातावरणीय तथा पर्यावरणको विकासमा गरेको उपलब्धिलाई नेपालले पनि आफ्नो विकासमा लागू गर्न सकेमा दिगो विकासमा सहयोग पुग्ने बताए ।
अर्थविद् डा. चन्द्रमणि अधिकारीले पर्यावरणीय सभ्यतामाथि सी जिनपिङको विचार विषयमा धारणा राख्दै आर्थिक विकासमा पनि चिनियाँ मोडेलेको चर्चा गरे । पूर्वरक्षासचिव देवेन्द्र सिटौला र संविधानसभा सदस्य कमला विश्वकर्माले पनि चर्चा गरेको थिए । संविधानसभा सदस्य तथा पत्रकार विनोद पहाडीले समावेशी विकासको मोडेलको चर्चा गर्दे समावेशी विकासको बारेमा प्रकाश पारे ।
आयोजक संस्था फ्रेन्ड्स अन द क्लाउडसका अध्यक्ष शोभित उप्रेतीले नेपालले चिनियाँ विकास र पद्धतिबाट पर्यावरणीय तथा वातावरणीय विकासमा अनुशरण गर्न सक्ने बताए । यो संस्थाले पर्यवरण, वातावरणका विषयमा निरन्तर अन्तक्र्रिया सञ्चालन गर्दै आएको छ । कार्यक्रममा संस्थाका अध्यक्ष शोभित उप्रेतीले चीनले वातावरणीय तथा पर्यावरणमा गरेको प्रगतिलाई नेपालले आत्मसात् गर्न सक्ने बताए ।