सांसद तामाङ सम्मानित

काठमाडौं । सांसद बसुमाया तामाङ सम्मानित भएकी छन् । फागुन २१ को निर्वाचनबाट प्रतिनिधिसभा सदस्य निर्वाचित भएकी तामाङलाई नेपाल–इटाली उद्योग वाणिज्य संघले सम्मान गरेको हो ।
तामाङ संघकी सम्मानित सदस्य हुन् । व्यावसायिक समुदाय तथा सामाजिक विकासमा समर्पण, नेतृत्व र सक्रिय योगदानको कदर गर्दै सम्मान गरेको संघले जनाएको छ । ‘उहाँ निर्वाचित हुनु सार्वजनिक सेवा तथा समावेशी विकासप्रतिको निरन्तर प्रतिबद्धताको प्रतिविम्ब हो,’ संघले भनेको छ ।