टाटा मोटर्सको ‘स्विच टु टियागो ईभी’ एक्सचेन्ज क्याम्प

काठमाडौं । नेपालमा विद्युतीय सवारी साधनप्रति बढ्दो आकर्षणलाई लक्षित गर्दै नेपालको टाटा मोटर्सका लागि आधिकारिक वितरक सिप्रदी ट्रेडिङले विशेष एक्सचेन्ज योजना सार्वजनिक गरेको छ । ‘स्विच टु टियागो ईभी’ नाम दिइएको अभियानअन्तर्गत ग्राहकले पुरानो बाइक वा स्कुटर साटेर नयाँ टाटा टियागो ईभी घर लैजान सक्ने कम्पनीले जनाएको छ ।
यो विशेष क्याम्पेन अप्रिल १७ देखि २० सम्म देशभर सञ्चालन हुनेछ । अभियानअन्तर्गत जुनसुकै ब्रान्डको बाइक वा स्कुटर प्रयोगकर्ताले सवारीको एक्सचेन्ज गरी आकर्षक सुविधासहित टियागो ईभी खरिद गर्न सक्ने व्यवस्था गरिएको कम्पनीले जनाएको छ ।
यस अफरमा ग्राहकले केवल ४ लाख ९९ हजार रुपैयाँ डाउनपेमेन्टमा टियागो ईभी आफ्नो बनाउन सक्नेछन् । योजनाअन्तर्गत पुराना दुईपाङ्ग्रे सवारीको उत्कृष्ट मूल्यांकन, आकर्षक नगद छुट, निःशुल्क एक्सेसरिज र एक वर्षको सवारी कर छुट जस्ता विशेष सुविधा उपलब्ध हुनेछन् ।
त्यसैगरी ग्राहकले सिप्रदी नेटवर्कमार्फत आजीवन निःशुल्क डीसी फास्ट चार्जिङ, साथै निःशुल्क होम चार्जिङ इन्स्टलेसनको सुविधासमेत रहेको छ । साथै एक जना भाग्यशाली ग्राहकले लक्की ड्रमार्फत आइफोन – १७ प्रो म्यास जित्ने सक्ने मौका पनि रहेको कम्पनीले जनाएको छ ।   
सुरक्षित, आरामदायी र आधुनिक प्रविधियुक्त विद्युतीय कार प्रयोग गर्न चाहने ग्राहकका लागि यो योजना प्रभावकारी हुने विश्वास कम्पनीको छ । इच्छुक ग्राहकले देशभर रहेका टाटा मोटर्सका आधिकारिक शोरूमहरूमा पुगेर अफरको लाभ लिन सक्नेछन् ।