सामसङ नेपालद्वारा ‘सपनादेखि सम्भावनासम्म’ अभियान

काठमाडौं । नेपालमा अग्रणी मोबाइल तथा कन्ज्युमर इलेक्ट्रोनिक्स ब्रान्डका रूपमा अग्रणी सामसङ नेपालले ‘सपनादेखि सम्भावनासम्म’ नामक नयाँ अभियान सार्वजनिक गरेको छ । यस अभियानले वैदेशिक रोजगारीमा रहेका नेपालीको योगदानलाई उजागर गर्दै उनीहरूले परिवार र देशका लागि खेलेको महŒवपूर्ण भूमिकालाई सम्मान गर्ने कम्पनीले जनाएको छ । यसले सामसङको इनोभेसनमार्फत जीवन जोड्ने उद्देश्यलाई पनि सशक्त बनाउँछ ।
यस अभियानअन्तर्गत सामसङले ‘सामसङ रेमिट’मा बेनिफिट नामक पहल सार्वजनिक गरेको छ, जसले रेमिट्यान्समा निर्भर परिवारलाई थप सहजता र लाभ प्रदान गर्ने लक्ष्य राखेको छ । यो अफर अप्रिल २४ देखि उपलब्ध हुनेछ ।
रेमिट्यान्सलाई नेपालको अर्थतन्त्रको प्रमुख आधार मान्दै यस अभियानले वैदेशिक रोजगारीमा रहेका नेपालीलाई राष्ट्र निर्माणका मुख्य आधारका रूपमा सम्मान गर्छ । साथै, सामसङका एआई–सक्षम डिभाइसहरूले उनीहरूको परिवारको दैनिक जीवनलाई अझ स्मार्ट, कनेक्टेड र अर्थपूर्ण बनाउँछन् । सामसङले सजिलो र सहज प्रयोग अनुभवमार्फत जीवनलाई सरल बनाउँछ ।
यस पहलअन्तर्गत सामसङले आईएमई रेमिट, एनसेल, खल्ती बाई आईएमई र हुलास फिन सर्भ लिमिटेडसँग मिलेर सामसङका उत्पादन खरिदमा विशेष लाभहरू उपलब्ध गराएको छ । यसमा एनसेल रिचार्जमा बोनस डाटा, २४ महिनासम्मको सजिलो ईएमआई र खल्तीमार्फत क्यासब्याक जस्ता सुविधा समावेश छन्, जसले रेमिट्यान्समा आधारित परिवारलाई थप मूल्य र सहजता दिनेछ । यो अफर विदेशबाट नेपालमा रकम पठाउने व्यक्तिहरूका लागि मात्र उपलब्ध हुनेछ । यस अभियानले दीर्घकालीन विश्वसनीयता, वारेन्टी, र सहज इकोसिस्टम अनुभवका लागि आधिकारिक उत्पादन छनोट गर्ने महŒवलाई पनि जोड दिएको कम्पनीले उल्लेख गरेको छ ।