रुबीले तोडिन् अनशन

काठमाडौं । रूबी खान र सरकारबीच पाँचबुँदे सहमति भएपछि बाँकेकी निर्मला कुर्मीको न्यायको माग राख्दै २३ दिनदेखि जारी अनशन मंगलबार अन्त्य भएको छ । खानले पानी पिएर अनशन तोडेकी हुन् । निर्मला कुर्मी को अपहरण, शरीर बन्धक तथा कर्तव्य ज्यानसम्बन्धी घटनाको निष्पक्ष अनुसन्धानको माग गर्दै खान नेपालगञ्जस्थित सञ्जीवनी कलेज अफ मेडिकल साइन्सेज मा अनशनरत थिइन् ।
वार्ताका लागि प्रधानमन्त्री बालेन्द्र शाह का प्रेस तथा अनुसन्धान विज्ञ दिपा दाहाल, प्रहरी अतिरिक्त महानिरीक्षक सुशील सिंह राठौर र गृह मन्त्रालयका सहसचिव आनन्द काफ्ले सम्मिलित टोली खटिएको थियो । टोलीले संवाद र सहजीकरण गरेपछि सरकार र खानबीच सहमति भएको हो ।
सहमति अनुसार २०७७ चैत २० मा जिल्ला प्रहरी बाँकेमा दर्ता निर्मला कुर्मीको अपहरण, शरीर बन्धक र कर्तव्य ज्यानसम्बन्धी मुद्दाको हालसम्मको अनुसन्धान अध्ययन गरी यथाशीघ्र न्यायिक प्रक्रियामा लगिनेछ ।