इपीजीको साँचो सरकारलाई

काठमाडौं । नेपाल–भारत प्रबुद्ध व्यक्ति समूह (इपीजी) को नेपालतर्फका संयोजक डा. भेषबहादुर थापाले इपिजी प्रतिवेदन राखिएको दराजको साँचो परराष्ट्र मन्त्रालयलाई बुझाएका छन् । आफ्नो स्वास्थ्य र उमेरका कारण देखाउँदै थापाले परराष्ट्रमन्त्री शिशिर खनालको उपस्थितिमा परराष्ट्रसचिव अमृतबहादुर राईलाई साँचो हस्तान्तरण गरेका हुन् । नेपाल र भारतबीचका समस्याका बारेमा अध्ययन गरी समाधानका उपाय खोज्न संयुक्त रूपमा प्रबुद्ध व्यक्तिहरूको समूह गठन गरिएको थियो । सन् २०१६ मा नेपाल र भारतले उक्त समूह गठन गरी दुई वर्षसम्म अध्ययन गरी समूहले प्रतिवेदन तयार गरेको थियो । उक्त प्रतिवेदन दुवै देशका प्रधानमन्त्रीले बुझ्नुपर्ने प्रावधान थियो, हालसम्म दुवैले बुझेका छैनन् ।